Aur hamein phir se pyaar ho gaya ...... :)

Aaj ki shaam hamein khoobsoorati ka deedar ho gaya.
Dekhte hi use hamein phir se pyar ho gaya,
Train mein thaka haara safar shuru kiya,
Achanak dikhi wo seerat, jis par thi kuch laalima kuch ghabrahat,
Sakuchai si, simti si wo bheed ko dekh rahi wo bholi surat,
Mauka dekh hum hum bhi dekh use, kuch shrmayemm,
Chot lagi thi dil par achanak jab usane tirchi nazaron se war kiya,
Ek pal mein pyar ho gaya, aankhon hi aankhon mein izhaar ho gaya,
Laga ki wo bhi hame dekh rahi he, phir lagaa naa dekh e Harish usaki Maa aa rahi he,
Lal kurta, blue jeans tight, ladki thi khoob gori ekdum white ;)
Train chal padi thi, kuch der aankhen bhi ladi thi,
Ye kahani chal hi rahi thi, ki meri premika (neend) aa gayi,
Aate hi kabja kiya mujh par, aankhon mein samaa gayi,
Koshish hamari jaari thi, neend bhagane ki baari thi,
Premika bhi badi sayani thi, aur aankhen bhi thodi bhaari thi,
Neend ke deewane kahan rukte hein, premika ke aage hi to jhukte hein,
Neend ke josh mein hum kho gaye, baithe baithe hi thoda sa so gaye,
Pyas lagi tab uthkat dekha, wo ladki bhi so rahi thi, neend ke jhoolon mein kho gayi thi,
Thodi der surat ko nihaar liya, bina naam jaane hi chehra dil mein utaar liya,
Ab waqt bhi ho chala tha, TT bhi aake ghoor chuka tha,
Sona ki hamein bimari thi, aanken phir se hamari bhaari thi (:P),
Sapne mein bhi wahi dikh rahi thi, Wahan to hamari dosti bhi ho chuki thi,
Phir neend khuli ek station par, neend khuli phir se, tab kahin wo ja chuki thi :(
Turant uthe dekha, train se neeche utar ke ja rahi thi,
Dil nein chaha e khudgarz, naam to batati ja,
Usake pita se pitane ki poori tayyari thi,
Kisamat kharab kaho ya achchhi ab train ki baari thi,
Chal padi bina bataye, gusse se jaan hamari ja rahi thi,
Kher, yatra mein to in baaton ka ahsas hota he,
Yahi yaadein banti hein, inhi ka to vishwas hota he,
Phir milegi kahin na kahin, kisi safar mein, ab intezaar he hamein phir ek safar ka,
Naa bhi mili to, shukraguzar hoon kudrat ka,
Aisi bhali surat hi to usaki kaynaat ka azooba he,
Usaki kala ka ek adbhut namoona he .....

Kavita abhi poori nahin he, Usaki yaadein abhi adhoori hein .......

(Satya ghatnao par aadharit ..... sir aadharit)